యేసు చేసిన అద్భుతములు

            Jesus miracles 


వివాహంలో నీటిని వైన్ గా మార్చుట

Jesus_Turns_Water_into_Wine_jesus_water_to_wine_telugu_bible_quotations


  యోహాను  2: 1-11


1  మూడవ రోజున గలిలయ ప్రాంతంలో కానా అనే పట్టణంలో ఒక పెళ్ళి జరిగింది. యేసు తల్లి అక్కడే ఉంది.

2  ఆ పెళ్ళికి యేసునూ ఆయన శిష్యులనూ కూడా ఆహ్వానించారు

3  విందులో ద్రాక్షారసం అయిపోయాక యేసు తల్లి ఆయనతో “ వీళ్ళ దగ్గర ద్రాక్షరసం అయిపోయింది ” అని చెప్పింది.

4  యేసు ఆమెతో “ అయితే నాకేంటమ్మా? నా సమయమింకా రాలేదు ” అన్నాడు.

5  ఆయన తల్లి పనివారితో “ ఆయన మీకు ఏం చెబుతాడో అది చేయండి ” అని అంది.

6  యూదులు ఆచారపు ప్రకారం శుద్ధి చేసుకోడానికి సుమారు నూరు లీటర్ల దాకా నీళ్ళు పట్టే ఆరు రాతి బానలు అక్కడ ఉన్నాయి.

7  యేసు పనివాళ్ళతో “ ఆ బానల్ని నీళ్లతో నింపండి ” అన్నాడు. వారు అలాగే బానల నిండా నీళ్ళు నింపారు.

8  ఆ తర్వాత ఆయన “ ఇప్పుడు ఒక బానలో నుంచి కొద్దిగా రసం తీసి విందు ప్రధాన పర్యవేక్షకుడి దగ్గరికి తీసుకెళ్ళండి ” అన్నాడు. వాళ్ళు అలాగే తీసుకువెళ్ళారు.

9  ద్రాక్షరసంగా మారిన ఆ నీటిని విందు ప్రధాన పర్యవేక్షకుడు రుచి చూశాడు. ఆ ద్రాక్షరసం ఎక్కడి నుండి వచ్చిందో అర్థం కాలేదు. అప్పుడు అతడు పెళ్ళి కొడుకుని ప్రక్కకు పిలిచి అతనితో
10 “ అందరూ మొదట నాణ్యమైన ద్రాక్షరసం ఇస్తారు. అందరూ తాగి మత్తుగా ఉన్నప్పుడు చౌకబారు రసం పోస్తారు. కాని నీవు చివరి వరకూ నాణ్యమైన ద్రాక్షారసమును ఉంచావు ” అన్నాడు.

11  యేసు చేసిన అద్భుతాల్లో యిది మొదటిది. ఇది ఆయన గలిలయకు చెందిన కానాలో చేసి తన మహిమను ప్రకటించాడు. దీని వలన ఆయన ఆయన శిష్యులకు ఆయన పట్ల విశ్వాసం
కలిగింది



అధికారి కుమారుడిని స్వస్థపరుచుట


 యోహాను  4: 43-54

 
43  రెండు రోజుల తరువాత ఆయన గలిలయకు బయలుదేరాడు.

44  ప్రవక్తకు తన దేశంలో గౌరవం లేదని యేసు స్వయంగా ఎత్తి చూపాడు.

45  అతను గలిలయకు వచ్చినప్పుడు గెలీలీయులు ఆయనను స్వాగతించారు. పస్కా పండుగలో ఆయన యెరూషలేములో చేసినదంతా వారు చూశారు ఎందుకంటే వారు కూడా అక్కడ ఉన్నారు.

46  అతను మరోసారి గలిలయలోని కనాను సందర్శించాడు, అక్కడ అతను నీటిని వైన్ గా మార్చాడు. ఒక నిర్దిష్ట రాజ అధికారి ఉన్నాడు, అతని కుమారుడు కపెర్నౌంలో అనారోగ్యంతో ఉన్నాడు.

47  యేసు యూదా నుండి గలిలయకు వచ్చాడని ఈ వ్యక్తి విన్నప్పుడు, ఆయన దగ్గరకు వెళ్లి, మరణానికి దగ్గరగా ఉన్న తన కొడుకును స్వస్థపరచమని వేడుకున్నాడు.

48 “ మీరు సంకేతాలను అద్భుతాలను చూడకపోతే మీరు ఎప్పటికీ నమ్మరు ” అని యేసు చెప్పాడు.

49  రాజ అధికారి “ అయ్యా నా బిడ్డ చనిపోక ముందే రండి ” అని అన్నాడు.

50  వెళ్ళు మీ కుమారుడు బ్రతుకుతాడు అని యేసు జవాబిచ్చాడు. అతను ఏసు మాటలు నమ్మి తిరిగి వెళ్ళిపోయాడు.

51  మార్గమధ్యమున అతని సేవకులు ఎదురై నీ కుమారుడు స్వస్థుడు అయినాడు అని చెప్పిరి.

52  తన కొడుకు బాగుపడిన సమయం గురించి ఆయన ఆరా తీసినప్పుడు వారు “ నిన్న మధ్యాహ్నం ఒంటి గంటకు జ్వరం అతనిని విడిచిపెట్టింది ” అని అన్నారు.

53  అప్పుడు “ మీ కొడుకు బ్రతుకుతాడు ” అని యేసు చెప్పిన ఖచ్చితమైన సమయం ఇదేనని ఆ తండ్రి గ్రహించాడు. కాబట్టి అతను మరియు అతని ఇంటి మొత్తం నమ్మారు.

54  యూదా నుండి గలిలయకు వచ్చిన తరువాత యేసు చేసిన రెండవ సంకేతం ఇది.


            
మనిషి నుండి చెడు ఆత్మను బయటకు తీయుట


మార్కు 1: 21-27
21  వారు కపెర్నహూముకు వెళ్ళారు వెంటనే యేసు యూదుల ప్రార్థనా మందిరంలోకి వెళ్లి బోధించడం ప్రారంభించాడు.

22  ఆయన బోధను చూసి ప్రజలు ఆశ్చర్యపోయారు, ఎందుకంటే ఆయన వారికి ధర్మశాస్త్ర బోధకుల వలె కాకుండా అధికారం ఉన్న వ్యక్తిగా బోధించాడు.

23  అప్పుడే వారి ప్రార్థనా మందిరంలో అపవిత్రమైన ఆత్మ ఉన్న ఒక వ్యక్తి అరిచాడు

24 “నజరేయుడైన యేసు మాతో మీకు ఏమి పని? మమ్మల్ని నాశనం చేయడానికి వచ్చావా ? నీవు ఎవరో నాకు తెలుసు-దేవుని పరిశుద్ధుడు! ”అని అరిచాడు.

25 “నిశ్శబ్దంగా ఉండు!”అని యేసు గట్టిగా చెప్పాడు." అతని నుండి బయటకు పొమ్ము "

 26  అశుద్ధమైన ఆత్మ ఆ వ్యక్తిని హింసాత్మకంగా కదిలించి అతని నుండి బయటకు వచ్చింది.

27  ప్రజలు అందరూ ఆశ్చర్యపోయారు, వారు ఒకరినొకరు, “ఇది ఏమిటి? అధికారంతో క్రొత్త బోధన అతను అశుద్ధమైన ఆత్మలకు ఆదేశాలు ఇస్తాడు ఆయనకు కట్టుబడి ఉంటాయి.

       

పేతురు అత్తగారి అనారోగ్యం 
నయం చేయుట


మత్తయి 8: 14-15



14  యేసు పేతురు ఇంటికి వచ్చినప్పుడు, పేతురు యొక్క అత్తగారు జ్వరంతో మంచం మీద పడుకోవడం చూశాడు.

15  అతను ఆమె చేతిని తాకిన వెంటనే జ్వరం ఆమెను విడిచిపోయెను. ఆమె లేచి ఆయనకు పరిచర్య చేయసాగెను.

మార్కు 1: 29-31

 29  తరువాత యేసు ఆ ప్రార్థన మందిరము నుండి యాకోబు యోహాను లతో తిన్నగా సీమోను అంద్రెయ ఇంటికి పోయాను.

30  అప్పుడు సీమోను అత్త జ్వరంతో మంచము బట్టి యుండెను వారు ఆమె విషయమును ఆయనకు తెలిపిరి.

31  ప్రభువు ఆమెను సమీపించి ఆమె చేయి పట్టి లేతగా జ్వరము విడిపోయాము అంతట ఆమె వారికి పరిచర్య చేయసాగెను.




అనేక రోగాలను నయం చేయుట
                 
 మత్తయి 8: 17




17  యెషయా ప్రవక్త ద్వారా చెప్పబడినది నెరవేర్చడానికి ఇది జరిగింది: "ఆయన మన బలహీనతలను తీసుకొని మన వ్యాధులను భరించాడు." 

                         
మార్కు  1: 32-34  


32  ఆ రోజు సాయంత్రం సూర్యాస్తమయం తరువాత ప్రజలు జబ్బుపడిన మరియు దెయ్యాల బారిన పడ్డ వారందరినీ యేసు వద్దకు తీసుకువచ్చారు.

33  పట్టణం మొత్తం తలుపు వద్ద గుమిగూడింది.

34  యేసు వివిధ వ్యాధులతో బాధపడుతున్న చాలా మందిని స్వస్థపరిచాడు. అతను చాలా దెయ్యాలను కూడా తరిమికొట్టాడు, కాని అతను ఎవరో వాటికి తెలుసు కాబట్టి అతను దెయ్యాలను మాట్లాడనివ్వలేదు.
                     



 గెన్నేసరెతు సరస్సులో చేపలు పట్టుకొనుట


లూకా 5: 1-11



1  ఒక రోజు యేసు గెన్నేసరెతు సరస్సు దగ్గర నిలబడి ఉండగా, ప్రజలు ఆయన చుట్టూ గుమిగూడి దేవుని వాక్యాన్ని వింటున్నారు.

2  అతను నీటి అంచు వద్ద రెండు పడవలను చూశాడు, అక్కడ ఆ జాలరులు వలలను శుభ్రం చేసుకుంటున్నారు.

3  అందులో ఒకటి సీమోను పడవ యేసు ఆ పడవ నెక్కి దానిని ఒడ్డున నుండి లోనికి కొద్దిగా త్రోయమని అందు కూర్చుండి ప్రజలకు ఉపదేశింప ఆరంభించెను.

4  అతను మాట్లాడటం ముగించిన తరువాత, సీమోనుతో, " మీరు పడవను ఇంకనూ లోతునకు తీసుకుని వెళ్లి చేపలకై మీ వలలను వేయుడి" అనెను.

5  సీమోను " యేసు మేము రాత్రంతా కష్టపడ్డాము కానీ ఫలితం లేదు   ఇప్పుడు మీ మాట మీద వలలను వేసెదము "

 6  వారు వల్ల వేయగానే  చాలా పెద్ద చేపలను పట్టుకున్నారు.

7  కాబట్టి వారు ఇతర పడవలో ఉన్న వారి భాగస్వాములను పిలిచి వారికి సహాయం చేయమని సంకేతాలు ఇచ్చారు వారు వచ్చి రెండు పడవలను నింపారు.

8  సీమోను పేతురు ఇది చూడగానే యేసు మోకాళ్ళ వద్ద పడి " ప్రభూ నా నుండి వెళ్ళిపో నేను పాపపు మనిషిని " అని పలికెను.

9  సీమోను మరియు అతని సహచరులందరూ వారికి పడ్డ చేపలను చూసి ఆశ్చర్యపోయారు.

10  సీమోను భాగస్వాములైన జెబాదాయి కుమారులు యాకోబు యోహాను లు అలాగే ఆశ్చర్యపడిరి. అప్పుడు యేసు సీమోనుతో  "భయపడకు ఇకనుండి మనుష్యులను పట్టేవాడవై ఉందువు అనెను. "

 11  కాబట్టి వారు తమ పడవలను ఒడ్డుకు లాగి అన్నింటినీ వదిలి అతనిని అనుసరించారు.



కుష్టు వ్యాధి మనిషిని శుభ్రపరుచుట


  మత్తయి  8: 1-4

 



1  యేసు పర్వత ప్రాంతం నుండి దిగినప్పుడు, పెద్ద సమూహాలు ఆయనను అనుసరించాయి.

2  కుష్టు వ్యాధి ఉన్న ఒక వ్యక్తి వచ్చి అతని ముందు మోకరిల్లి, “ ప్రభూ నీవు ఇష్టపడితే నన్ను శుభ్రపరచగలవు ” అని అన్నాడు.

3  అంతట యేసు తన చేయి జాపి అతనిని తాకి నాకు ఇష్టమే నీకు శుద్ధి కలుగును గాక అని పలికెను.వెంటనే వాని కుష్ఠు రోగము పోయి వాడు సుద్దిడాయెను.

4  అప్పుడు యేసు అతనితో " ఈ విషయము ఎవరితో చెప్పవలదు అయితే నువ్వు వెళ్లి అర్చకునికి కనిపించుము నీ స్వస్థతను వారికి నిరూపించుటకై మోషే ఆజ్ఞానుసారం కానుకను సమర్పింపుము " అని పలికెను.
పక్షవాతం సేవకుడిని స్వస్థపరుచుట
మత్తయి 8: 5-13


 5  యేసు కపెర్నహూములో ప్రవేశించినప్పుడు ఒక శతాధిపతి అతని వద్దకు వచ్చి సహాయం కోరాడు.

6 “ ప్రభూ నా ఇంట సేవకుడు పక్షవాతంతో విపరీతంగా బాధపడుతూ మంచము పట్టి ఉన్నాడు అని తెలుపగ
7  యేసు అతనితో “ నేను వచ్చి ఆయనను స్వస్థపరుస్తాను ? ” అని పలికెను.

8  ఆ శతాధిపతి “ ప్రభూ నీవు నా ఇంటి లోనికి వచ్చుటకు నేను పాత్రుడ నుకాను నీవు ఒక్క మాట పలికినను చాలును నా సేవకుడు స్వస్థత పొందును.

9  నేను అధికారం ఉన్నవ్యక్తిని నా ఆదీనమందున్న ఏ సైనికుడినైనను నేను రమ్మనిననా వచ్చును పొమ్మనిననా పోవును నా దాసుని ఏ పని చేయమంటే ఆ పని చేయును అని యుత్తరమిచ్చెను.

10  యేసు ఈ మాట విన్నప్పుడు, అతను ఆశ్చర్యపోయాడు.  తనను అనుసరించిన వారితో " నిజమే నేను మీకు చెప్తున్నాను ఇశ్రాయేలులో ఇంత గొప్ప విశ్వాసంతో నేను ఎవరినీ కనుగొనలేదు. "

 11  చాలా మంది తూర్పు పడమర నుండి వస్తారు పరలోకరాజ్యంలో అబ్రాహాము ఇస్సాకు యాకోబులతో కలిసి విందులో తమ స్థలాలను తీసుకుంటారు.

12  కానీ రాజ్య వారసులు వెలుపల చీకటి గదిలోనికి త్రోయ బడుదురు అచట వారు విలపించుచు పండ్లు కొరుకు కొందరు అని పలికెను.

13  అప్పుడు యేసు శతాధిపతునితో “ నీవిక వెళ్ళు నీవు విశ్వసించినట్లు జరుగును గాక ” అని పలికెను. ఆక్షణముననే ఆ శతాధిపతి సేవకుడు స్వస్థత పొందాడు యేసు చాలా మందిని స్వస్థపరుస్తాడు.


పక్షవాతం గల వ్యక్తిని బాగు చేయుట

మత్తయి 9: 1-8


 1  యేసు పడవలో అడుగుపెట్టి దాటి తన సొంత పట్టణానికి వచ్చాడు.

2  జనులు పక్షవాతముతో మంచం పట్టియున్నఒకరిని ఆయన వద్దకు తీసుకొని వచ్చిరి యేసు వారి విశ్వాసం చూసి " కుమారుడా ధైర్యము వహింపుము నీ పాపములు పరిగణింపబడినవి అని ఏసు పలికెను."

 3  ఈ సమయంలో ధర్మశాస్త్ర బోధకులలో కొందరు “ ఇతడు దైవదూషణ చేస్తున్నాడు  ” అని తమలో తాము అనుకొనిరి.

4  వారి ఆలోచనలను తెలుసుకున్న యేసు, “మీరు మీ హృదయాలలో చెడు ఆలోచనలను ఎందుకు అలరిస్తారు ?

 5  మీ పాపములు క్షమింపబడివున్వని చెప్పుట సులభమా ? లేచి నడవమని చెప్పుట సులభమా ?

6  అయితే పాపాలను క్షమించటానికి మనుష్య కుమారునికి భూమిపై అధికారం ఉందని మీరు తెలుసుకోవాలని నేను కోరుకుంటున్నాను. ” అని పలికి పక్షవాతానికి గురైన వ్యక్తితో “ లేచి నీ చాప తీసుకొని ఇంటికి వెళ్ళు ” అన్నాడు.

7  అప్పుడు ఆ వ్యక్తి లేచి ఇంటికి వెళ్ళాడు.

8  జనం దీనిని చూడగానే వారు విస్మయంతో నిండిపోయారు. వారు మనిషికి అలాంటి అధికారాన్ని ఇచ్చిన దేవుణ్ణి స్తుతించారు.




విశ్రాంతి రోజున అంగవైకల్య చేయిని బాగుచేయుట

మత్తయి 12: 9-14




9  ఆ స్థలం నుండి వెళ్ళి, అతను వారి ప్రార్థనా మందిరంలోకి వెళ్ళాడు,

 10  అక్కడ ఊచ చెయ్యి గలవాడు కనబడెను. వారు ఆయన మీద నేరం మోపవలెనని విశ్రాంతిదినమున స్వస్థపరచుట న్యాయమా అని ఆయనను అడిగిరి ?

 11  అందుకు ఆయన ఏమీ మీరు ఎవడైనా విశ్రాంతి దినమున తన గొర్రె గోతిలో పడినచో దానిని పట్టి విలువలకు తీయడా ?

 12 "గొర్రెల కన్నావ్యక్తి ఎంతో విలువైనవాడు అందువల్ల విశ్రాంతి రోజున మేలు చేయుట తగును.”

 13  అప్పుడు యేసు ఆ ఊచ చెయ్యి వ్యక్తితో “ నీ చేయి చాచు ” అని అన్నాడు.అప్పుడు ఆ ఊచ చెయ్యి వ్యక్తి చేతిని చాపెను దానికి స్వస్థత చేకూరి రెండవ చేయవలె ఉండెను.

14  అయితే పరిసయ్యులు బయటికి వెళ్లి యేసును ఎలా చంపవచ్చో కుట్ర పన్నారు.




నాయిను లో చనిపోయిన వితంతువు కుమారుడిని బ్రతికించుట


 లూకా  7: 11-17
11 యేసు నాయిను అనే పట్టణానికి వెళ్ళాడు అతని శిష్యులు పెద్ద సమూహం అతనితో పాటు వెళ్ళింది.

12  యేసు ఆ గ్రామ ముఖద్వారమును ప్రవేశించినప్పటికీ జనులు ఒక యువకుని శవమును వెలుపలికి మోసుకొని పోవుచుండిరి. అతడు ఆ గ్రామమునగల ఒక వితంతువునకు ఏకైక కుమారుడు.ఆ గ్రామ ప్రజలు అనేకులు గుంపులు గుంపులుగా వెంటనుండిరి.

13  ఆమెను చూసి ప్రభువు హృదయం కరిగి జాలిపడి ఏడవ వద్దు అని ఆమెకు చెప్పి, దగ్గరికి వచ్చి ఆ పాడెను ముట్టుకున్నాడు.

14  పాడె మోసుకు వెళ్తున్న వాళ్ళు కదలకుండా ఆగిపోయారు ఆయన బాబూ నేను చెబుతున్నాను లే అన్నాడు.

15  అప్పుడు చనిపోయిన ఆ వ్యక్తి లేచి కూర్చుని మాట్లాడడం మొదలుపెట్టాడు. ఆయన ఆ కుమారున్ని ఆ తల్లికి అప్పచెప్పాడు.

16  అందరూ భయభ్రాంతులై మన మధ్య ఒక గొప్ప ప్రవక్త వెలిసెను దేవుడు తన ప్రజలను దర్శింప వచ్చెను అని చెప్పుకొనుచు దేవుని స్తుతించిరి.

17  ఆయనను గురించి యూదయ ప్రాంతంమంతటా వ్యాపించింది.




యేసు సముద్రంలో తుఫానును శాంతిస్తాడు


మత్తయి 8: 23-27



23  ఆయన పడవ ఎక్కినప్పుడు ఆయన శిష్యులు ఆయన్ని అనుసరించారు.

24  అకస్మాత్తుగా తీవ్రమైన పెద్ద తుఫాను రావటం వల్ల పడవ మీదికి అలలు ముంచుకు వచ్చాయి ఆ పడవ అలల్లో చిక్కుకు పోయింది ఆసమయంలో యేసు నిద్రపోతూ ఉన్నాడు.

25  అప్పుడు శిష్యులు ఆయనను మేల్కొలిపి "ప్రభు మేము నశించుచున్నాము రక్షింపుము " అని ప్రార్ధింపగా
26  యేసు వారితో “ అల్ప విశ్వాసులారా మీరెందుకు భయపడుతున్నారు ? ” అని అంటూ లేచి  గాలిని అలల్ని శాంతించమని గద్దించాడు.అప్పుడు అవి శాంతించాయి.

27  అప్పుడు శిష్యులు " ఈయన ఎలాంటివాడో గాలి, అలలు కూడా ఈయన మాట వింటున్నాయే " అని ఆశ్చర్యపడిరి.




రాక్షసులను పందుల మందలోకి పారద్రోలుట


మత్తయి 8: 28-33
 
28  ఆయన అవతలి ఒడ్డున ఉన్న గదరేనీయుల ప్రాంతాన్ని చేరుకున్నాడు దయ్యాలు పట్టిన ఇద్దరు వ్యక్తులు స్మశానం నుండి ఆయనకు ఎదురు వచ్చారు. వీళ్ళ క్రూర ప్రవర్తన వల్ల                ఎవరూ ఆ దారిన వెళ్ళలేక పోయేవారు.

29  ఆ దయ్యాలు “దైవకుమారా మాతో నీకేమి పని ? మా కాలం రాకముందే మమ్మల్ని శిక్షించడానికి వచ్చావా ? ” అని కేకలు వేశాయి.

30  వారికి కొంత సమీపంలో పెద్ద పందుల మంద మేస్తూ ఉంది.

31 “ నీవు మమ్మల్ని బయటికి వెళ్ళగొడితే గనుక ఆ పందుల మందలోకి మమ్ము పోనిమ్ము ” అని ఆ దయ్యాలు యేసును ప్రాధేయపడ్డాయి.

32 యేసు“ సరే పో ” అని వాటితో అన్నాడు. అవి బయటికి వచ్చి ఆ పందుల మందలోకి వెళ్లిపోయాయి. వెంటనే ఆ మంద అంతా నిటారుగా ఉన్న కొండ మీద నుంచి వేగంగా పరుగెత్తుకుంటూ పోయి సముద్రంలో పడి మునిగి ఊపిరాడక చచ్చాయి.

33  ఆ పందుల మందను కాసేవారు పరిగెత్తుకుంటూ ఊరిలోకి వెళ్ళి జరిగిన సంగతి ఇంకా దయ్యాలు పట్టిన వాడికి జరిగిన సంగతీ తెలియజేశారు.


రక్తస్రావంతో బాధపడుతున్న స్త్రీని స్వస్థపరడం







 మత్తయి 9: 20-22

 20  వారు వెళ్తుండగా పన్నెండేళ్ళ నుండి రక్త స్రావంతో బాధ పడ్తున్న ఒక స్త్రీ ఆయన వెనకగా    వచ్చి ఆయన అంగీ యొక్క కొనను తాకింది.

21 “నేను ఆయన వస్త్రం అంచును తాకగలిగితే చాలు బాగుపడతాను నాకు నయమైపోతుంది ”  అనుకొని ఆయన పైవస్త్రం కొనను తాకింది.

22  యేసు వెనక్కు తిరిగి ఆమెను చూసి ధైర్యంగా వుండమ్మా నీ విశ్వాసమే నిన్ను బాగుచేసింది  అన్నాడు. అదే క్షణంలో ఆ స్త్రీ బాగుపడింది




మరణించిన మహిళను బ్రతికించుట




మత్తయి 9:18, 23-26


18  యేసు ఈ విధంగా మాట్లాడుతుండగా ఒక అధికారి వచ్చి ఆయన ముందు మోకరిల్లి “ నా కూతురు ఇప్పుడే చనిపోయింది.అయినా మీరు వచ్చి ఆమె మీద మీ చేయి ఉంచితే ఆమె బ్రతుకుతుంది ” అని అన్నాడు.

23  యేసు ఆ అధికారి యింట్లోకి వచ్చినపుడు అక్కడ పిల్లన గ్రోవి వాయించే వాళ్ళు గోల చేస్తున్నవాళ్ళు ఉండటం చూసాడు.

24  వాళ్ళతో “ వెళ్ళిపొండి ఈ అమ్మాయి చనిపోలేదు నిద్రపోతూ ఉంది అంతే ” అని అన్నాడు. వారు నవ్వి ఆయనను హేళన చేశారు.

25  ఆయన ఆ గుంపును బయటకు పంపివేసి లోపలికి వెళ్ళి ఆ అమ్మాయి చేయి పట్టుకోగానే ఆమె వెంటనే లేచి నిలుచుంది.

26  ఈ వార్త ఆ ప్రాంతమంతా వ్యాపించింది.




యేసు ఇద్దరు అంధులను స్వస్థపరుస్తాడు


మత్తయి 9: 27-31


27  యేసు అక్కడినుండి బయలుదేరి వెళ్తూ ఉంటే యిద్దరు గుడ్డివారు “ దావీదు కుమారుడా మాపై దయ చూపించు ” అని కేకలు వేస్తూ ఆయన్ని అనుసరించారు.

28  యేసు యింట్లోకి వెళ్ళిన తరువాత ఆ గుడ్డివాళ్ళాయన దగ్గరకు వచ్చారు. ఆయన వాళ్ళను “ నేను దీన్ని చేయగలనని మీరు నమ్ముతున్నారా ? ” అని వారిని అడిగాడు. “అవును ప్రభూ” అని వాళ్ళు సమాధానం చెప్పారు.

29  అప్పుడాయన వాళ్ళ కళ్ళను తాకుతూ "మీరు నమ్మినట్టే మీకు జరుగుతుంది” అని అన్నాడు.

30  వాళ్ళకు చూపు వచ్చింది అప్పుడు యేసు “ ఈ సంగతి ఎవ్వరికీ తెలియకుండా జాగ్రత్త పడండి ” అని ఖండితంగా వారికి చెప్పాడు.

31  కాని ఆ ఇద్దరూ వెళ్ళి ఆయన్ని గురించి ఆ ప్రాంతమంతా ప్రచారం చేసారు.




మాట్లాడలేని వ్యక్తిని యేసు స్వస్థపరుచుట


మత్తయి 9: 32-34


 32  ఆ ఇద్దరూ వెళ్తుండగా కొందరు వ్యక్తులు దయ్యం పట్టిన మూగవాణ్ణి  యేసు దగ్గరకు తీసుకు వచ్చారు.

33  దయ్యాన్ని వదిలించాక ఆ మూగవాడు మాట్లాడటం మొదలు పెట్టాడు. అది చూసి ప్రజలు ఆశ్చర్యపడి “ ఇలాంటిదేదీ ఇదివరకెన్నడూ ఇశ్రాయేలులో చూడలేదు ” అని అన్నారు.

34  అయితే పరిసయ్యులు “ అతడు దయ్యాల రాజు మూలంగా దయ్యాల్నివెళ్ళగొడుతున్నాడు ” అని అన్నారు.




అంగ వైకల్యం వ్యక్తిని నయం చేయుట


యోహాను 5: 1-15


1  ఇది అయిన తరువాత కొద్ది రోజులకు యూదుల పండుగ వచ్చింది. యేసు దానికోసం యెరూషలేముకు వెళ్ళాడు.

2  అక్కడ యెరూషలేములో గొఱ్ఱెల ద్వారం దగ్గర ఒక కోనేరు ఉంది. హీబ్రూ భాషలో దీన్ని బేతెస్థ అని అంటారు. దానికి చుట్టూ ఐదు మండపాలు ఉండేవి.

3,4 చాలామంది  కుంటివాళ్ళు గ్రుడ్డివాళ్ళు వికలాంగులు పక్షవాత రోగులు అక్కడ వేచి ఉండేవారు.గుంపులు గుంపులుగా ఆ మంటపాల్లో పడి ఉన్నారు.

5  అక్కడున్న వాళ్ళలో ఒక వ్యక్తి ముప్పైఎనిమిది సంవత్సరాల నుండి అంగ వైకల్యంతో బాధ పడ్తూ ఉన్నాడు.

6  యేసు అతన్ని అక్కడ ఉండటం చూసాడు. చాలాకాలం నుండి అతడాస్థితిలో పడి ఉన్నాడని గ్రహించి అతనితో " నీకు బాగవ్వాలని కోరిక ఉందా ? ” అని అడిగాడు.

7  అప్పుడు ఆ రోగి “ అయ్యా నీరు కదిలినప్పుడు ఆ కోనేటిలోకి దించటానికి ఎవరూ లేరు అయినా వెళ్ళడానికి ప్రయత్నిస్తుండగానే మరొకడు నాకంటే ముందుగా ఆ నీళ్ళలోకి దిగుతాడు ” అని అన్నాడు.

8  అప్పుడు యేసు అతనితో “ లే నీ చాప తీసుకొని నడిచి వెళ్ళు ” అని అన్నాడు.

9  అతనికి వెంటనే నయమైపోయింది. అతడు తన చాప తీసుకొని వెళ్ళిపోయాడు. ఈ సంఘటన విశ్రాంతి దినమున జరిగింది.

10  అందుకని యూదా మత నాయకులు కోలుకున్నఆ వ్యక్తితో “ ఇది విశ్రాంతి రోజు ధర్మశాస్త్రం ప్రకారం నీవు చాప మోసుక వెళ్ళటానికి వీల్లేదు ” అని అన్నారు.

11  అందుకు అతడు “ నన్ను బాగుచేసిన వ్యక్తి " నీ చాప పట్టుకొని వెళ్ళు " అని చెప్పాడు ” అని అన్నాడు.

12  అప్పుడు వారు “ నీ చాప తీసుకొని నడవమన్న వాడెవడు ” అని అతణ్ణి అడిగారు.

13  ప్రజల గుంపు ఉండటంవల్ల తనని బాగు చేసినదెవరో అతనికి తెలియదు యేసు అక్కడినుండి వెళ్ళిపోయాడు. కనుక తనకు నయం చేసిన వాడెవరో అతడు చూపలేక పోయాడు.

14  ఆ తర్వాత యేసు అతణ్ణి దేవాలయంలో కలుసుకొని “ చూడు నీవు తిరిగి ఆరోగ్యవంతుడవు అయ్యావు. పాపాలు చెయ్యటం మానేయి. లేకపోతే ఇంతకన్నా ఎక్కువ కీడు కలుగుతుంది.” అని అతడితో చెప్పాడు.

15  ఆ తర్వాత వాడు యూదా నాయకుల దగ్గరికి వెళ్ళి తనకు నయం చేసిన వ్యక్తి యేసు అని చెప్పేశాడు.




5,000  మహిళలుకు మరియు పిల్లలకు ఆహారం ఇచ్చుట




మత్తయి 14: 13-21


13  యేసు పడవ ఎక్కి అక్కడనుంచి ఏకాంతంగా నిర్జన ప్రదేశానికి వెళ్ళిపోయాడు. ఆయన వెళ్ళిన సమాచారం విని ప్రజలు పట్టణాలనుండి వచ్చి గుంపులు గుంపులుగా కాలి నడకన ఆయన వెంట వెళ్ళారు.

14  యేసు పడవ నుండి దిగి ప్రజలు గుంపులు గుంపులుగా అక్కడ ఉండటం చూసాడు. ఆయన వారిమీద జాలిపడి వాళ్ళలో రోగాలున్న వాళ్ళను ఆయన బాగు చేసాడు.

15  సాయంకాలం అయినప్పుడు ఆయన శిష్యులు ఆయన దగ్గరికి వచ్చి“ఇది నిర్జన ప్రదేశం ఇప్పటికే పొద్దుపోయింది వీళ్ళను పంపివేయండి.గ్రామాల్లోకి వెళ్ళి ఆహారం కొనుక్కొని తింటారు” అని అన్నారు.

16  యేసు వారితో “ వాళ్ళు వెళ్ళనక్కరలేదు మీరే వారికి తినటానికి భోజనం పెట్టండి.” అని వాళ్ళతో అన్నాడు.

17  వారు “ఇక్కడ మన దగ్గర అయిదు రొట్టెలు రెండుచేపలు మాత్రమే ఉన్నాయి ఇంకేమీ లేవు ” అని వాళ్ళు సమాధానం చెప్పారు.

18  అందుకు ఆయన “ వాటిని ఇక్కడకు తీసుకు రండి ” అని యేసు అన్నాడు.

19  ఆ తర్వాత ప్రజల్ని అక్కడున్న పచ్చిక బయళ్ళలో కూర్చోవాలని ఆదేశించాడు. ఆ అయిదు రొట్టెల్ని రెండు చేపల్ని చేతికిలో తీసుకుని ఆకాశం వైపు చూసి దేవునికి స్తోత్రం చెల్లించాడు. ఆ రొట్టెను విరచి తన శిష్యులకు ఇచ్చాడు. శిష్యులు ప్రజలకు పంచారు.

20  వారంతా తిని సంతృప్తి చెందిన తరువాత శిష్యులు మిగిలిన ముక్కల్ని పన్నెండు గంపల నిండా నింపారు.

21  స్త్రీలు పిల్లలే గాక అయిదువేల మంది దాకా ఆ రోజు అక్కడ భోజనం చేసారు.



యేసు నీటి మీద నడుచుట
మత్తయి 14: 22-33


22  యేసు వెంటనే తన శిష్యులతో పడవనెక్కి తనకన్నా ముందు అవతలి ఒడ్డుకు వెళ్ళమని చెప్పాడు. ఆయన అక్కడే ఉండి ప్రజలను ఇళ్ళకు పంపాలని ఆయన ఉద్దేశం.
23  ప్రజల్ని పంపివేసిన తరువాత యేసు ఏకాంతంగా ప్రార్థన చేయడానికి కొండ మీదికి వెళ్ళాడు. సాయంకాలం అయింది. అయినా ఆయన ఒక్కడే అక్కడ ఉండిపోయాడు.
24  అప్పటికి ఆ పడవ సముద్రమధ్యలో ఉంది. ఎదురు గాలి వీయటం వల్ల అలలు ఆ పడవను కొడుతూ ఉన్నాయి.
25  రాత్రి నాలుగవ జామున యేసు నీళ్ళ మీద నడుస్తూ శిష్యుల వద్దకు వెళ్ళాడు.

26  ఆయన సముద్రం మీద నడవటం చూసి శిష్యులు “ దయ్యం ” అనుకుని భయంతో కేకలు వేశారు.

27  వెంటనే యేసు “ నేనే  ధైర్యంగా ఉండండి భయపడవద్దు ” అని అన్నాడు.

28  పేతురు “ ప్రభూ మీరైతే నీళ్ళ మీద నడుస్తూ నన్నుమీ దగ్గరకు రావడానికి నాకు అనుమతినివ్వండి ” అని అన్నాడు.

29  యేసు “ రా ” అని అన్నాడు. అప్పుడు పేతురు పడవ దిగి నీళ్ళ మీద నడిచి యేసు దగ్గరకు వెళ్ళాడు.

30 గాలిని చూసి భయపడి నీళ్ళలో మునుగుతూ “ ప్రభూ నన్ను రక్షించు ” అని కేకలు వేశాడు.

31  వెంటనే యేసు తన చేయి చాపి అతణ్ణి పట్టుకొని “ నీలో దృఢవిశ్వాసం లేదు ఎందుకు సందేహపడ్డావు ? ” అని ప్రశ్నించాడు.

32  వాళ్ళిద్దరూ పడవలో ప్రవేశించగానే గాలి తీవ్రత తగ్గిపోయింది.

33  పడవలోవున్న శిష్యులు యేసుకు మ్రొక్కుతూ “ నువ్వు నిజముగా దేవుని కుమారుడివి ” అని అన్నారు.


యేసు వస్త్రాన్ని తాకి చాలా మంది రోగులు బాగుపడుట


మత్తయి 14: 34-36


34  వాళ్ళు అవతలి ఒడ్డు దాటి గెన్నేసరెతు ఒడ్డును చేరుకున్నారు.

35  ఆ గ్రామ ప్రజలు యేసును గుర్తించి చుట్టుపక్కల ఉన్న ప్రాంతాల వాళ్ళందరికి కబురు పెట్టి రోగులందరినీ ఆయన దగ్గరికి రప్పించారు.

36 “ వీరిని మీ అంగీ అంచునైనా తాకనివ్వండి ” అని ఆయనను బ్రతిమిలాడారు. ఆయన్ని తాకిన వారందరికీ నయమైపోయింది.



అన్యజనుల స్త్రీ కుమార్తెను దెయ్యం నుండి విడిపించుట
మత్తయి 15: 21-28


21  యేసు ఆ ప్రదేశాన్నివదిలి బయలుదేరి తూరు సీదోను ప్రాంతాలకు వెళ్ళాడు.

22  అప్పుడు అక్కడ నివసించే కనాను జాతి స్త్రీ యేసు దగ్గరకు ఏడుస్తూ వచ్చి“ ప్రభూ దావీదు కుమారుడా నన్ను కరుణించు. నా కూతురికి దయ్యం పట్టి చాలా విపరీతంగా బాధ పెడుతున్నది ” అని పెద్దగా అరిచి చెప్పింది.

23  కానీ  యేసు ఏమీ బదులు పలకలేదు. అప్పుడు ఆయన శిష్యులు “ ఆమె బిగ్గరగా కేకలు వేస్తూ మన వెంటే వస్తున్నది ఈమెని వెళ్ళమనండి ” అని ఆయనను వేడుకున్నారు.

 24  దానికి యేసు “ దేవుడు ఇశ్రాయేలు వంశంలో తప్పిపోయిన ప్రజల దగ్గరకే నన్ను పంపించాడు ఇంకెవరి దగ్గరకూ కాదు ” అని జవాబిచ్చాడు.

25  అయినా ఆమె వచ్చి యేసు ముందు మోకరిల్లి  ఆయనకు మొక్కి “ ప్రభూ నాకు సహాయం చెయ్యి ” అని అడిగింది.

26  యేసు “ పిల్లలు తినే రొట్టెను కుక్కపిల్లలకి పెట్టడం న్యాయం కాదు ” అని సమాధానం చెప్పాడు.

27  ఆమె “ ప్రభూ నిజమే కాని కుక్కపిల్లలు సైతం తమ యజమాని విస్తరు నుండి కింద పడే ముక్కలు తింటాయి కదా ” అంది.

28  అప్పుడు యేసు “ అమ్మా నీ విశ్వాసం గొప్పది. నీవు కోరినట్లే నీకు జరుగుతుంది ” అని ఆమెతో చెప్పాడు. సరిగ్గా ఆ క్షణంలోనే ఆమె కుమార్తె బాగుపడింది.




యేసు చెవిటి మరియు మూగ మనిషిని బాగు చేయుట


మార్కు 7: 31-37


31  ఆ తర్వాత యేసు  తూరు సీదోను ప్రాంతం వదిలి బయలుదేరి దెకపొలి ప్రాంతం ద్వారా గలిలయ సముద్రం దగ్గరికి వచ్చాడు.

32  అక్కడ కొందరు చెవుడు నత్తి ఉన్న మనిషిని యేసు వద్దకి తీసుకు వచ్చి అతని మీద చెయ్యి పెట్టమని వేడుకున్నారు.

33  యేసు అతన్ని జనంలో నుండి ప్రక్కకు తీసుకుని వెళ్ళి తన వేళ్ళు అతని చెవుల్లో ఉంచాడు. ఉమ్మివేసి అతని నాలుకను తాకాడు.

34  అప్పుడు ఆయన ఆకాశం వైపు తల ఎత్తి చూసి నిట్టూర్చి “ ఎప్ఫతా ” అని అతనితో అన్నాడు. ఆ మాటకు “ తెరుచుకో ” అని అర్థం.

35  వెంటనే అతని చెవులు తెరుచుకున్నాయి. అతని నాలుక సడలి స్పష్టంగా  మాట్లాడడం మొదలుపెట్టాడు.

36  ఆ సంగతి ఎవ్వరితోనూ చెప్పవద్దని యేసు అతనికి ఆజ్ఞాపించాడు కాని ఎంత కఠినంగా వారికి ఆజ్ఞాపించాడో అంత ఎక్కువగా వారు దాన్ని చాటించారు.

37  ప్రజల ఆశ్చర్యానికి అంతులేక పోయింది. వారు “ ఈయన అన్నిటినీ చక్కగా జరిగిస్తున్నాడు. చెవిటి వారు వినేటట్లు మూగ వారు మాట్లాడేలా చేస్తున్నాడు ” అని చెప్పుకున్నారు.




యేసు 4,000 మంది మహిళలుకు మరియు పిల్లలకు ఆహారం ఇచ్చుట


మత్తయి 15: 32-39


32  అప్పుడు యేసు తన శిష్యుల్ని పిలిచి “ ఈ ప్రజల మీద నాకు జాలిగా ఉంది. మూడు రోజుల నుండి వీరు నా దగ్గరే ఉన్నారు. వారికి తినడానికి ఏమీ లేదు. వాళ్ళను ఆకలితో పంపటం నాకిష్టం లేదు. అలా పంపివేస్తే వారు దారిలోనే స్పృహ తప్పి పోతారేమో ” అన్నాడు.

33  ఆయన శిష్యులు “ ఇంతమందికి సరిపడినన్ని రొట్టెలు ఈ అడవి ప్రాంతంలో ఎక్కడ దొరుకుతాయి ? ” అన్నారు.

34  యేసు “ మీ దగ్గర ఎన్ని రొట్టెలున్నాయి ? ” అని వారిని అడిగాడు. వారు “ ఏడు రొట్టెలు కొన్ని చిన్న చేపలు ఉన్నాయ ” అని చెప్పారు.

35  అప్పుడు యేసు “ నేల మీద కూర్చోండి ” అని ఆ ప్రజలకి ఆజ్ఞాపించి
36  ఆ ఏడు రొట్టెలు ఆ చేపలు పట్టుకుని దేవునికి కృతజ్ఞతలు చెల్లించి వాటిని ముక్కలు చేసి తన శిష్యులకిచ్చాడు. శిష్యులు ఆ ప్రజలకు వాటిని పంచిపెట్టారు.

37  వారంతా కడుపారా తిన్న తరువాత అక్కడ ఏడు గంపల నిండుగా ముక్కలు మిగిలిపోయాయి.

38  స్త్రీలు పిల్లలు కాకుండా కేవలం పురుషులే నాలుగువేల మంది తిన్నారు.

39  తరువాత ఆయన ఆ ప్రజలందరినీ పంపివేసి పడవ మీద మగదాను ప్రాంతానికి వచ్చాడు.




యేసు బెత్సైడాలో అంధుడిని స్వస్థపరచుట

మార్కు 8: 22-26

22  యేసు ఆయన శిష్యులు బేత్సయిదాకు వచ్చారు. ఒక గుడ్డివాణ్ణి  కొందరు యేసు దగ్గరికి తీసుకు వచ్చారు. అతణ్ణి తాకమని వాళ్ళు ఆయనను వేడుకున్నారు.

23  ఆ గుడ్డివాడి చేయి పట్టుకుని యేసు ఊరి బయటకు తీసుకు వెళ్ళాడు. అతని కళ్ళ మీద ఉమ్మివేసి అతని మీద చేతులుంచి “ నీకు ఏమైనా కనిపిస్తుందా ?” అని అడిగాడు.

24  ఆ గుడ్డివాడు పైకి తలెత్తి చూస్తూ “ మనుషులు నడుస్తున్న చెట్ల లాగా కనిపిస్తున్నారు ” అన్నాడు.

25  అప్పుడు యేసు మళ్ళీ అతని కళ్ళపై తన చేతులుంచాడు. అప్పుడా మనిషి కళ్ళు తెరుచుకొని బాగుపడి అన్నిటినీ స్పష్టంగా చూడగలిగాడు.

26 యేసు అతణ్ణి పంపివేస్తూ “ నీవు ఊరిలోకి వెళ్ళవద్దు ” అని అతనితో చెప్పాడు.



            అంధుడికి చూపు కలుగజేయుట
 

యోహాను  9: 1-12


 1  యేసు దారిలో వెళ్తూ ఉన్నాడు. అక్కడ పుట్టినప్పటి నుండీ గుడ్డివాడుగా ఉన్న ఒక వ్యక్తి కనిపించాడు.

2  ఆయన శిష్యులు ఆయనతో “ బోధకా వీడు గుడ్డివాడిగా పుట్టడానికి కారణం వీడి తల్లిదండ్రులు చేసిన పాపమా లేక వీడు చేసిన పాపమా ? ” అని ఆయనను అడిగారు.

3  అందుకు యేసు “ ఇతడు కాని వీడిని కన్నవారైనా ఏ పాపమూ చేయలేదు. దేవుని పనులు వీడిలో వెల్లడి కావడానికే వీడు గ్రుడ్డివానిగా పుట్టాడు.

4  పగలున్నంత వరకూ నన్ను పంపిన వాడి పనులు మనం చేస్తూ ఉండాలి. రాత్రి రాబోతోంది అప్పుడిక ఎవరూ పని చెయ్యలేరు.

5  ఈ ప్రపంచంలో ఉన్నంతవరకూ నేను ఈ లోకానికి వెలుగుని అని చెప్పాడు.

6  ఈ విధంగా మాట్లాడి నేలపై ఉమ్మి వేసాడు  దానితో బురద చేసి ఆ బురదను ఆ గుడ్డివాడి కళ్ళమీద పూశాడు.

7  అతనితో “ సిలోయం కోనేటికి వెళ్ళి దాంట్లో కడుక్కో” అని వాడికి చెప్పాడు. సిలోయం అనే  పదానికి వేరొకరు పంపినవాడు అని అర్థం. వాడు వెళ్ళి ఆ కోనేటిలో కడుక్కుని చూపు పొంది తిరిగి వచ్చాడు.

8  అప్పుడు అతని ఇరుగు పొరుగు వారూ ఇంతకు ముందు వాడు అడుక్కుంటుంటే చూసిన వారూ “ ఇక్కడ కూర్చుని భిక్షమెత్తు కుంటూవుండే వాడు ఇతడే కదా ” అన్నారు.

9  వీడే అని కొందరు ఔనన్నారు. వీడు కాదు అని కొందరూ అన్నారు. ఇక వాడైతే స్వయంగా “ నేనే అతణ్ణి ” అని అన్నాడు.

10  వారు “ నీ కళ్ళు ఎలా తెరుచుకున్నాయి ? ” అని వాణ్ణి అడిగారు.

11  దానికి వాడు “ యేసు అనే ఒకాయన బురద చేసి నా కళ్లపై పూసి సిలోయం కోనేటికి వెళ్ళి కడుక్కోమని నాకు చెప్పాడు. నేను అలాగే వెళ్ళి కడుక్కున్నాను ఆ తర్వాత నాకు దృష్టి వచ్చింది " అని అన్నాడు.

12  వారు “ ఇప్పుడు అతడెక్కడ ఉన్నాడు ? ” అని అడిగితే ఆయన నాకు తెలియదు అన్నాడు.


అపరిశుభ్రమైన ఆత్మతో బాలుడిని స్వస్థపరచుట


మత్తయి 17: 14-20


14  వాళ్ళు కొండ దిగి అక్కడి జనసమూహంలోకి రాగానే ఒక వ్యక్తి ఆయన దగ్గరికి వచ్చి ఆయన  ఎదుట మోకరిల్లి
15  ప్రభూ నా కుమారుని కనికరించు. వాడు మూర్ఛరోగి. చాలా బాధపడుతున్నాడు. మాటి మాటికి  నిప్పుల్లో నీళ్ళలో పడిపోతుంటాడు.

16  వాణ్ణి నీ శిష్యుల దగ్గరికి తీసుకుని వచ్చాను గాని వారు నయం చేయలేక పోయారు అని చెప్పాడు.

17  అప్పుడు యేసు “వక్ర మార్గం పట్టిన విశ్వాసం లేని తరమా నేనెంత కాలమని మీతో ఉండాలి ? ఎప్పటి వరకూ మీ పట్ల సహనం వహించాలి ? అతణ్ణి నా దగ్గరికి తీసుకు రండి ”          అన్నాడు.

18  యేసు ఆ దయ్యాన్ని వెళ్ళిపొమ్మని గద్దించగానే అది ఆ బాలుణ్ణి విడిచిపెట్టేసింది. వెంటనే అతడు బాగుపడ్డాడు.

19  శిష్యులు ఆ తర్వాత ఏకాంతంగా యేసును కలిసి “ మేమెందుకు ఆ దయ్యాన్ని వెళ్ళగొట్టలేక  పోయాము ? ” అని అడిగారు.

20  అందుకాయన మీలో దృఢవిశ్వాసం లేదు మీకు ఆవగింజంత విశ్వాసం ఉంటే చాలు ఈ కొండను ఇక్కడ నుండి అక్కడికి వెళ్ళు అనగానే అది వెళ్ళిపోతుంది అని మీతో కచ్చితంగా   చెబుతున్నాను.



చేప నోటిలో అద్భుత నాణెం


మత్తయి 17: 24-27
24  వారు కపెర్నహూముకు చేరగానే అర షెకెలు పన్ను సేకరించే అధికారులు పేతురు దగ్గరికి  వచ్చి “ మీ గురువుగారు ఈ అర షెకెలు పన్ను చెల్లించడా ? ” అని అడిగారు.

25  అతడు “ అవును చెల్లిస్తాడు ” అన్నాడు. అతడు ఇంట్లోకి వెళ్ళి యేసుతో ఆ విషయం చెప్పక ముందే యేసు “ సీమోనూ ఈ భూమి మీద రాజులు సుంకం పన్ను ఎవరి దగ్గర వసూలు              చేస్తారు ? బయటివాళ్ళ దగ్గరా లేక తమ కొడుకుల  దగ్గరా ? ” అని అడిగాడు.

26  పేతురు “ బయటివాళ్ళ దగ్గరే ” అని చెప్పాడు. యేసు “ అలాగయితే కొడుకులు స్వతంత్రులే.
27 కాని వాళ్ళకాటంకం కలిగించటం నాకిష్టం లేదు. నీవు సముద్రానికి వెళ్ళి గాలం వెయ్యి మొదట పడిన చేపను తీసుకుని దాని నోరు తెరువు. దానిలో ఒక షెకెలు నాణెం నీకు                      దొరుకుతుంది. దాన్ని నాకోసం నీకోసం వారికి చెల్లించు ” అన్నాడు.




యేసు అంధుడిని స్వస్థపరచుట



లూకా 11: 14-23


14  ఒకసారి యేసు ఒక మూగ దయ్యాన్ని వెళ్ళగొడుతూ ఉన్నాడు. ఆ దయ్యం వెళ్ళిపోయిన తరవాత ఆ మూగవాడు మాట్లాడాడు. అప్పుడు అది చూసి అక్కడ ఉన్న ప్రజలంతా దిగ్భ్రాంతి చెందారు.

15  అయితే వారిలో కొందరు “ వీడు దయ్యాలకు నాయకుడైన బయెల్జెబూలు సహాయంతో దయ్యాలను పారద్రోలుతున్నాడు ” అని చెప్పుకున్నారు.

16 మరి కొందరు యేసును పరీక్షిస్తూ పరలోకం నుండి ఒక సూచన చూపుమని ఆయనను  అడిగారు.

17 యేసుకు వారి ఆలోచనలన్నీ తెలుసు. ఆయన వారితో ఇలా అన్నాడు “ తనకు తానే వ్యతిరేకంగా వేరైపోయిన ఏ రాజ్యమైనా నశించి పోతుంది. చీలికలు కలిగిన యిల్లు కూలిపోతుంది. "

18  సైతాను రాజ్యంలో చీలికలు కలిగితే వాడి రాజ్యం ఎలా నిలుస్తుంది?

19  నేను బయెల్జెబూలు ద్వారా దయ్యాలను వెళ్ళగొడుతున్నానని మీరు అంటున్నారే మరి మీ వాళ్ళు దేని సహయంతో దయ్యాల్ని వదిలిస్తున్నారు ? దీని వలన మీ సంతానమే మీకు తీర్పు తీరుస్తారు.

20  కాని నేను దైవశక్తితో దయ్యాలను వెళ్ళగొడుతుంటే దాని అర్థం దేవుని రాజ్యం కచ్చితంగా వచ్చినట్లు స్పష్టంగా తెలుస్తొంది.

21  బలవంతుడు ఆయుధాల్ని ధరించుకొని తన ఆవరణలో కాపలా కాస్తే అతని వస్తువులు భధ్రంగా ఉంటాయి.

22  కాని అతని కన్నా బలవంతుడైన వాడు అతణ్ణి ఎదిరించి ఓడించినప్పుడు అతడు నమ్ముకున్న ఆయుధాలన్నిటినీ బలవంతంగా తీసుకుని అతని ఆస్తినంతా దోచుకుంటాడు.

23  నాతో ఉండని వాడు నాకు విరోధి. నాతో కలసి ప్రోగుచేయటానికి సహాయం చెయ్యనివాడు చెదరగొట్టిన వానితో సమానము.



వికలాంగ మహిళను నయము చేయుట
లూకా 13: 10-17
10  ఒక విశ్రాంతి దినం యేసు ఒక సమాజ మందిరంలో బోధిస్తున్నాడు.

11  దయ్యం పట్టటంవల్ల ఒక స్త్రీ పద్దెనిమిది ఏళ్ళనుండి అక్కడ ఉంది. ఆమె నడుం వంగిపోయి ఎంత మాత్రమూ సరిగ్గా నిలబడలేక పోతూ ఉంది.

12  యేసు ఆమెను చూసి తన దగ్గరికి రమ్మని పిలిచి “ అమ్మా నీ రోగం నుండి విడుదల పొందావు ” అని ఆమెతో చెప్పి
13  ఆమె మీద చేతులుంచాడు.వెంటనే ఆమె చక్కగా నిలబడి దేవుణ్ణి స్తుతించటం మొదలు పెట్టింది.

14  యేసు విశ్రాంతి దినాన ఆమెను స్వస్థపరచాడని ఆ సమాజమందిరపు అధికారి మండిపడ్డాడు. అతడు జనసమూహాన్ని చూసి “ పని చేయడానికి ఆరు రోజులున్నాయి కదా ఆ రోజుల్లో వచ్చి నయం చేయించుకోండి. విశ్రాంతి దినం మాత్రం రావద్దు ” అని చెప్పాడు.

15  అందుకు ప్రభువు “ కపటులారా మీలో ప్రతివాడూ విశ్రాంతి దినాన తన గాడిద నైనా ఎద్దునైనా కొట్టం నుండి విప్పుకొని వెళ్ళి నీళ్ళు పెడతాడా లేదా.
16  ఇదిగో పద్దెనిమిది ఏళ్ళ నుండి సాతాను ఈమెను తన ఆధీనంలో ఉంచుకొన్నాడు అబ్రాహాము కుమార్తె అయిన ఈమెను విశ్రాంతి దినాన ఈ బంధం నుండి నుండి                            విడిపించకూడదా ? అన్నాడు.

17  ఆయన ఈ మాటలు అన్నప్పుడు ఆయనను ఎదిరించిన వారంతా సిగ్గుపడ్డారు. కాని ఆయన చేసిన మహత్కార్యాల్నిచూసి సంతోషించారు.




యేసు విశ్రాంతి రోజున రోగిని స్వస్థపరచుట
లూకా 14: 1-6
Jesus_at_a_Pharisee’s_House_Luke_14 1-6_telugu_bible_quotes_jesus_hd_images_jesus_healing_jesus_miracle_telugu_bible_quotations
1  ఒక విశ్రాంతి రోజు ఆయన ఒక పరిసయ్యుల అధికారి ఇంట్లో భోజనానికి వెళ్ళాడు. అక్కడ ఆయన్ని జాగ్రత్తగా గమనిస్తూ ఉన్నారు.

2  అక్కడ దేహమంతా నీరొచ్చిన ఒక వ్యక్తి ఆయనకు ఎదురుగా ఉన్నాడు.

3  అప్పుడు యేసు “ విశ్రాంతి దినాన స్వస్థపరచడం శాస్త్ర సమ్మతమా ? కాదా ? ” అని పరిసయ్యులనూ ధర్మశాస్త్ర బోధకులనూ అడిగాడు.

4  వారు దానికి సమాధానం చెప్పలేదు. అప్పుడు యేసు అతణ్ణి దగ్గరికి తీసుకుని అతని రోగం  నయం చేసి పంపించేశాడు.

5 “ మీలో ఎవరి గాడిదైనా లేక మీ కుమారుడో విశ్రాంతి దినాన బావిలో పడిపోతే దాన్ని బయటకు తీయకుండా ఉంటారా ? ” అని వారిని అడిగాడు.

6  ఈ ప్రశ్నకు వారు ఆయనకు జవాబేమీ ఇవ్వలేకపోయారు.




పది మంది కుష్ఠురోగులను బాగు చేయుట

లూకా 17: 11-19

 


Jesus_Heals_Ten_Men_With_Leprosy_17_11-19_telugu_bible_quotes_jesus_hd_images_jesus_healing_jesus_miracles_telugu_bible_quotations



 11  యేసు యెరూషలేముకు ప్రయాణమై దారిలో సమరయ గలిలయ ప్రాంతాల పొలిమేరలకు వచ్చాడు.

12  ఒక గ్రామంలోకి ప్రవేశించాడు. అక్కడ పదిమంది కుష్టు రోగులు  ఆయనకు ఎదురై దూరంగా నిలిచారు.

13 “యేసూ ప్రభూ మాపై దయచూపు ” అని బిగ్గరగా కేకలు వేశారు.

14  ఆయన వారిని చూసి “ మీరు వెళ్ళి యాజకులకు కనపడండి ” అని అన్నాడు. వారు వెళ్తుండగా కుష్టు రోగం నయమై శుద్ధులయ్యారు.

15  వాళ్ళలో ఒకడు తన రోగం నయం కావడం చూసి
16  బిగ్గరగా దేవుణ్ణి కీర్తిస్తూ తిరిగి వచ్చి ఆయన పాదాల ముందు సాష్టాంగపడి ఆయనకు కృతజ్ఞతలు చెప్పాడు. వాడు సమరయ ప్రాంతం వాడు.
17  అందుకు యేసు పది మంది శుద్ధులయ్యారు కదా మిగతా తొమ్మిది మంది ఏరీ ?
18  దేవుణ్ణి కీర్తించడానికి ఈ సమరయుడు తప్ప ఇంకెవ్వరూ కనబడక పోవడం ఏమిటి ? అని అన్నాడు.

19 “నువ్వు లేచి  వెళ్ళు నీ విశ్వాసమే నీకు నయం చేసింది ” అని వాడితో చెప్పాడు.




యేసు బెథానీలో చనిపోయిన లాజరును బ్రతికించుట

యోహాను 11: 1-45

1  బేతనియ గ్రామానికి చెందిన లాజరుకు జబ్బు చేసింది. మరియ ఆమె సోదరి మార్త అతని సోదరీలు.

2  ఈ మరియే ఒకప్పుడు ప్రభువు పాదాలకు అత్తరు పూసి తన తల వెంట్రుకలతో తుడిచింది ఈ మరియయే.
3  అప్పుడు ఆ అక్క చెల్లెళ్ళు “ ప్రభూ మీరు ప్రేమించే లాజరుకు జబ్బు చేసింది ” అని యేసుకు  కబురు పంపించారు.

4  యేసు అది విని “ ఈ జబ్బు చంపటానికి రాలేదు. దీని ద్వారా దేవుని కుమారుడికి మహిమ కలిగేలా దేవుని మహిమ కోసమే వచ్చింది ”అన్నాడు.

5  మార్తను ఆమె సోదరిని లాజరును యేసు ప్రేమించాడు.

6  లాజరు జబ్బుతో ఉన్నాడని యేసు విని కూడా తాను ఉన్న చోటనే ఇంకా రెండు రోజులు ఉండిపోయాడు.

7  ఆ తరువాత ఆయన తన శిష్యులతో “ మనం మళ్ళీ యూదయకు వెళ్దాం పదండి ” అన్నాడు.

8  ఆయన శిష్యులు ఆయనతో “ రబ్బీ ఇంతకు ముందే యూదులు మిమ్మల్ని రాళ్ళతో కొట్టాలని ప్రయత్నం చేశారు కదా అక్కడికి మళ్ళీ వెళ్తావా ? ” అని అన్నారు.

9  అందుకు యేసు జవాబిస్తూ పగలు పన్నెండు గంటల వెలుగు ఉండదా ? ఒకడు పగటి వేళ నడిస్తే కనుక క్రిందపడడు. ఎందుకంటే అతడు వెలుగులో అన్నీ చూస్తాడు.

10  అయితే ఒకడు రాత్రివేళ నడిస్తే అతనికి వెలుగు ఉండదు కాబట్టి తడబడతాడు అని చెప్పాడు.

11  యేసు ఈ సంగతులు చెప్పిన తరువాత వారితో ఇలా అన్నాడు “ మన స్నేహితుడు లాజరు నిద్రపోయాడు. అతణ్ణి నిద్ర లేపడానికి వెళ్తున్నాను.”

 12  అందుకు ఆయన శిష్యులు ఆయనతో “ ప్రభూ అతడు నిద్రపోతూ ఉంటే ఆరోగ్యంగా ఉంటాడు ” అని అన్నారు.

13  యేసు మాట్లాడింది అతని చావును గురించి. కాని ఆయన శిష్యులు  నిద్రలో విశ్రాంతి తీసుకోవడం గురించి అయన మాట్లాడుతున్నాడు అని అనుకున్నారు.

14  అప్పుడు యేసు వారితో స్పష్టంగా లాజరు చనిపోయాడు.

15  నేను అక్కడ లేకపోవడం బట్టి సంతోషిస్తున్నాను. ఇది మీ కోసమే    మీకు నమ్మకం కలగడానికే. అతని దగ్గరకి వెళ్దాం పదండి  అన్నాడు.

16  దిదుమ అని మారుపేరున్న తోమా “ యేసుతో చనిపోవడానికి మనం కూడా ఆయన వెంట వెళ్దాం పదండి ” అని తన తోటి శిష్యులతో అన్నాడు.

17  అక్కడికి యేసు చేరుకున్నాడు అప్పటికే నాలుగు రోజులు ముందే  లాజరు సమాధిలో ఉన్నాడని తెలుసుకున్నాడు.

18  బేతనియ యెరూషలేముకు దగ్గరే. సుమారు రెండు మైళ్ళ దూరం ఉంటుంది.

19  చాలామంది యూదులు మార్త మరియ'లను వారి సోదరుడు చనిపోయినందుకు ఓదార్చడానికి వచ్చి అక్కడ ఉన్నారు.

20  అప్పుడు మార్త యేసు వస్తున్నాడని విని ఆయనను కలుసుకోవటానికి వెళ్ళింది గాని మరియ ఇంట్లోనే ఉండిపోయింది.

21  అప్పుడు మార్త యేసుతో  ప్రభూ మీరిక్కడ ఉండి ఉంటే నా సోదరుడు చనిపోయేవాడు కాదు
22  కాని యిప్పటికైనా నువ్వు దేవుణ్ణి ఏమడిగినా దేవుడు నీకు ఇస్తాడని నాకు తెలుసు అంది.

23  యేసు ఆమెతో “ నీ సోదరుడు తిరిగి బతికి లేస్తాడు ” అన్నాడు.

24  మార్త ఆయనతో “ చివరి రోజున పునరుత్థానంలో బతికి లేస్తాడని నాకు తెలుసు ” అంది.

25  అందుకు యేసు బ్రతికించే వాణ్ణి నేనే నన్ను నమ్మినవాడు చనిపోయినా మళ్ళీ బతుకుతాడు.
26  జీవిస్తున్నవాడు నన్నునమ్మిన వారు ఎన్నటికి చనిపోరు. ఇది నువ్వు నమ్ముతున్నావా ? ” అని అడిగాడు.

27  ఆమె “ అవును ప్రభూ నువ్వు ప్రపంచంలోకి రావలసిన దేవుని కుమారుడవైన క్రీస్తు అని నమ్ముతున్నాను ” అని ఆయనతో చెప్పింది.

28  ఈ విధంగా అన్నతరువాత ఆమె యింటికి వెళ్ళి ఎవరికీ తెలియకుండా తన సోదరి మరియను పిలిచి “ బోధకుడు ఇక్కడకి వచ్చాడు. నిన్ను పిలుస్తున్నాడు ” అంది.

29  మరియ యిది విని త్వరగా లేచి యేసు దగ్గరికి వెళ్ళింది.
30  యేసు ఇంకా గ్రామంలోకి రాలేదు. ఆయనింకా మార్తను కలుసుకున్న చోటే ఉన్నాడు.

31  మరియతో ఇంట్లో ఉండి ఆమెను ఓదారుస్తున్న యూదులు ఆమె హడావుడిగా లేచి బయటకు వెళ్ళటం చూసారు. ఆమె ఏడవడానికి సమాధి దగ్గరికి వెళ్తూ ఉందని వారు అనుకున్నారు.

32  మరియ యేసు ఉన్న చోటికి వచ్చి ఆయనను చూసి ఆయన కాళ్ళ మీద పడి “ ప్రభూ నువ్వు ఇక్కడ ఉండి ఉంటే నా సోదరుడు చనిపోయేవాడు కాదు ” అంది.

33  ఆమె ఏడవడం ఆమెతో వచ్చిన యూదులు కూడా ఏడవడం చూసి  యేసు తన ఆత్మలో కలవర పడ్డాడు “ అతణ్ణి ఎక్కడ సమాధిచేసారు ? ”అని అడిగాడు.

34  వారు “ ప్రభూ వచ్చి చూడండి ” అన్నారు.
35  యేసు ఏడ్చాడు.

36  అప్పుడు యూదులు “ ఆయన లాజరును ఎంతగా ప్రేమించాడో చూడండి ” అని చెప్పుకున్నారు.

37  వారిలో కొంతమంది, “ ఆయన గుడ్డివారి కళ్ళు తెరిచాడు కదా, ఇతను చనిపోకుండా చెయ్యలేడా ? ” అన్నారు. లాజరు సమాధి దగ్గర 
38  యేసు తనలో తాను మూలుగుతూ ఆ సమాధి గుహ దగ్గరికి వెళ్ళాడు. ఒక రాయి దానికి అడ్డంగా పెట్టబడి  ఉంది.

39  యేసు “ ఆ రాయి తీసి వెయ్యండి ” అన్నాడు. చనిపోయిన లాజరు సోదరి మార్త యేసుతో “ ప్రభూ ఇప్పటికి నాలుగు రోజులయ్యింది. శరీరం కుళ్ళిపోతూ ఉంటుంది ” అంది.

40  యేసు ఆమెతో,  “ నువ్వు నమ్మితే దేవుని మహిమను చూస్తావని నేను నీతో చెప్పలేదా ? ” అన్నాడు.

41  కాబట్టి వారు ఆ రాయి తీసి వేశారు. యేసు పైకి చూస్తూ తండ్రీ నా ప్రార్థన విన్నందుకు నీకు కృతజ్ఞతలు.

42  నువ్వు నా ప్రార్థన ఎప్పుడూ వింటావని నాకు తెలుసు. కాని, నా చుట్టూ నిలుచుని ఉన్న ఈ ప్రజలు నువ్వు నన్ను పంపించావని నమ్మాలని ఈ మాట పలికాను ” అన్నాడు.

43  ఆయన ఈ మాట చెప్పిన తరువాత పెద్ద స్వరంతో కేక వేసి “ లాజరూ బయటికి రా ” అన్నాడు.

44  అప్పుడు చనిపోయినవాడు కాళ్ళు చేతులు సమాధి బట్టలతో చుట్టి ఉండగా బయటికి వచ్చాడు. అతని ముఖానికి ఒక బట్ట చుట్టి ఉంది. అప్పుడు యేసు వారితో, “ అతని కట్లు విప్పి, అతణ్ణి వెళ్ళనివ్వండి ” అన్నాడు.



యేసు జెరిఖోలోని బార్టిమేయస్‌కు దృష్టిని పునరుద్ధరించాడు


మత్తయి 20: 29-34

  

29  యేసు ఆయన శిష్యులు యెరికో పట్టణం నుండి బయలు దేరి వెళ్తూండగా గొప్ప జన సమూహం ఆయన వెంట వెళ్తూ ఉంది.

30  అప్పుడు దారి ప్రక్కన కూర్చున్న ఇద్దరు గుడ్డివారు యేసు ఆ మార్గంలో  వస్తున్నాడని విని “ ప్రభూ దావీదు కుమారా మమ్మల్ని కరుణించు ” అని బిగ్గరగా కేకలు వేశారు.

31  ప్రజలు వారిని నిశ్శబ్దంగా వుండమని గద్దించారు కాని గ్రుడ్డివారు “ ప్రభూ దావీదు కుమారా మాపై దయ చూపు ” అని ఇంకా పెద్దగా కేకలు వేశారు.

32  యేసు ఆ ఆగి గ్రుడ్డివాళ్ళను పిలిచి “ మీకోసం నన్నేమి చేయమంటారు ? ” అని అడిగాడు.

33  వారు “ ప్రభూ మాకు చూపు చూపుకావాలి ” అని అడిగారు.

34  యేసు వాళ్ళపై జాలిపడి వారి కళ్ళు ముట్టుకున్నాడు. వెంటనే వాళ్ళకు చూపు వచ్చింది. తరువాత వారు ఆయన వెంట వెళ్ళారు.




బెథానీ రహదారిపై అత్తి చెట్టును ఎండగొట్టుట 


 మత్తయి 21:18:22
18  తెల్లవారిన తరువాత ఆయన ఉదయం ఆయన పట్టణానికి తిరిగి వెళ్తుండగా ఆయనకు ఆకలి వేసింది.

19  అప్పుడు యేసు దారి ప్రక్కనున్న ఒక అంజూరు చెట్టును చూశాడు. ఆయన దాని దగ్గరికి వెళ్ళి చూస్తే దానికి ఆకులు తప్ప మరి ఏమియూ కనిపించలేదు. ఆయన దానితో “ ఇక మీదట నీవు ఎప్పటికీ కాపు కాయవు ” అన్నాడు. వెంటనే ఆ అంజూరు చెట్టు ఎండిపోయింది.

20  శిష్యులు ఇది చూసి ఆశ్చర్యపోయి “ ఆ అంజూరు చెట్టు ఒక్కసారిగా ఎలా ఎండిపోయింది ” అని చెప్పుకున్నారు.

21  అందుకు యేసు  మీరు అనుమానం చెందకుండా విశ్వశిస్తే ఈ అంజూరు చెట్టుకు చేసిన దాన్ని మీరు కూడా చేయగలరు. అంత మాత్రమే కాదు ఈ కొండతో  " నీవు వెళ్ళి సముద్రంలో పడిపో " అని అంటే ఆ విధంగా తప్పక జరుగుతుంది.

22  దేవుడు మీరడిగినవి యిస్తాడని విశ్వసించి ప్రార్థించండి. అప్పుడు మీరేవి అడిగితే అవి పొంది తీరుతారు అని అన్నాడు.


సేవకుడి చెవిని నయం చేస్తాడు
లూకా 22: 50-51
50  ఇంతలో ఆయన శిష్యుల్లో ఒకడు ప్రధాన యాజకుడి సేవకుణ్ణి కొట్టి వాడి కుడిచెవి నరికాడు.

51  దానికి యేసు “ అంతటితో ఆపండి ” అని ఆ సేవకుని చెవిని తాకి బాగుచేశాడు.



టిబెరియాస్ సముద్రంలో చేపలు పట్టుకొనుట



యోహాను 21: 4-11


4  తెల్లవారింది యేసు ఒడ్డున నిలుచొని ఉన్నాడు. కానీ ఆయనే  యేసు అని శిష్యులు గుర్తు పట్టలేదు.

5  యేసు “ మిత్రులారా చేపలు ఏమైనా దొరికాయా ? ” అని అడిగాడు. లేదు అని వాళ్ళన్నారు.

6  అప్పుడాయన “ పడవకు కుడి వైపున మీ వల వేయండి. మీకు చేపలు దొరుకుతాయి ” అన్నాడు. కాబట్టి వారు అవిధంగా వేశారు. చేపలు నిండుగా పడ్డాయి. దాంతో వారు ఆ వల లాగలేకపోయారు.

7  యేసు ప్రేమించిన శిష్యుడు “ ఆయన ప్రభువు ” అని పేతురుతో చెప్పాడు. ఆయన ప్రభువని సీమోను పేతురు వినగానే ఇంతకు ముందు తీసివేసిన తన పై వస్త్రాన్ని నడుముకు చుట్టుకొని సముద్రంలోకి దూకాడు.

8  ఒడ్డుకి ఇంకా రెండు వందల మూరల దూరం మాత్రమే ఉంది. కాబట్టి మిగిలిన శిష్యులు చేపలు ఉన్న వలని లాగుతూ పడవను నడుపుకుంటూ అతణ్ణి అనుసరిస్తూ ఒడ్డును చేరుకున్నారు.

9  వాళ్ళు ఒడ్డుకి రాగానే కాలుతున్న బొగ్గల మీద చేపలు రొట్టే ఉండటం చూసారు.

10  యేసు వాళ్ళతో “ ఇప్పుడు మీరు పట్టిన చేపలు కొన్ని తీసుకుని రండి ” అని వారికి చెప్పాడు.

11  సీమోను పేతురు పడవ ఎక్కి వలను ఒడ్డుకి లాగాడు. ఆ వలనిండా పెద్ద పెద్ద చేపలు ఉన్నాయి. దాంట్లో 153 పెద్ద చేపలు ఉన్నాయి.